- di Luigi Ciaccio -

Quantu Ilustrini c'erunu a Cairoli,
e cu su po' scuddari!
Sia di supra chi chi latu di sutta tutti atturniati,
ognuno cà so seggia
chi spazzuli a manu lustravunu scappi
da matina sina a sira.
Cairoli era u puntu cchiù impottanti di Missina,
picchi tutti si incuntravunu all'Irrera,
ma chi movimentu chi c'era!
Missina era bedda piddavera ...
speciammenti quannu l'Irrera nta stati
niscìa seggi e tavulini fora,
u paccu ci iammava,
ogni uno a sira all'Irrera si ssittava,
a musichedda si sintìa
e a cantanti chi cantava,
e cossi a sirata passava.