|
EU V'ADDUMANNU SCUSA
Eu v'addumannu scusa siddu vinni
a dari mpàcciu nta sta vostra terra,
picchì nta chidda mia, c'è sempri guerra,
c'é fami, caristia, la vita scinni
a lu liveddu di l'armali e sferra
corpa, comu pi dìriti: "Vatinni!"
E si ti stai attaccatu a li so' minni,
idda nun ti pruteggi, ti sutterra.
Eu v'addumannu scusa siddu quannu
vi proju na manu 'n cerca di l'amuri,
vi mprissiunati pi lu so culuri,
cridennu chi po fari sulu dannu,
privannumi di 'anticchia di caluri
chi alliggirissi un pocu stu me affannu,
sti peni mei, sta suffirenza... Addannu,
picchì mi sentu un omu senza anuri.
Eu v'addumannu scusa si sta via,
fu l'urtima spiranza e ci pruvavi,
si nta dda notti scura mi mbarcavi,
dda notti scura, scura comu a mia.
Eu v'addumannu scusa, si pinzavi
d'aviri nautra ccianza a la stranìa;
pinzava, chi sta terra mi vulìa...
Eu, v'addumannu scusa si... 'un m'annjavi.
|
IO VI CHIEDO SCUSA
Io vi chiedo scusa se sono venuto
a dare fastidio in questa vostra terra,
perché in quella mia c'è sempre guerra,
c'è fame, carestia, la vita scende
al livello degli animali e sferra
colpi, come per dirti: "Vattene!"
E se ti stai attaccato al suo seno,
lei non ti protegge, ti sotterra.
Io vi chiedo scusa se quando
vi porgo una mano in cerca dell'amore,
vi impressionate per il suo colore,
credendo che possa fare solo danno,
privandomi di un poco di calore
che alleggerirebbe un poco questo mio affanno,
queste mie pene, questa sofferenza... Soffro,
perché mi sento un uomo senza onore.
Io vi chiedo scusa se questa via,
è stata l'ultima speranza e ci ho provato,
se in quella notte scura mi sono imbarcato,
quella notte scura, scura come me.
Io vi chiedo scusa, se ho creduto
di avere un'altra possibilità in terra straniera;
credevo, che questa terra mi volesse...
Io, vi chiedo scusa se... non sono affogato.
|
