|
Anima e carni
Semu anima e carni,
sangu chi bugghi ‘nta li vini.
Stissi battiti, lu stissu ciatu,
spisidda, vampa, focu ‘dumatu.
Scurri l’acqua di lu ciumi,
nun si ferma finu a quannu
arriva a lu mari,
dà si funni ‘u duci cu salatu,
si cunfunni.
Semu du’ cori e ‘na capanna,
casa e fuculari,
chiesa chi campani;
lucìa l’aneddu a l’anulari.
‘Nta cetti mumenti tuccamu
‘u cielu cu ‘na manu,
pari chi vulamu.
Firriamu paradisu e ‘nfernu,
tuttu lu firmamentu;
suli, nuvuli, stiddi e luna
sunnu, tutti, ‘na cosa sula.
Lu nostru amuri è forti,
sempri insemi ristamu,
anima e carni
puru dopu la morti.
|
Anima e carne
Siamo anima e carne,
sangue che bolle nelle vene.
Stessi battiti, lo stesso fiato,
scintilla, vampa, fuoco acceso.
Scorre l’acqua del fiume,
non si ferma fino a quando
arriva al mare,
là si fonde il dolce col salato,
si confonde.
Siamo due cuori e una capanna,
casa e focolare,
chiesa con le campane;
luccica l’anello all’anulare.
In certi momenti
tocchiamo il cielo con una mano,
sembra che voliamo.
Giriamo nel paradiso e nell’inferno
in tutto il firmamento;
sole, nuvole, stelle e luna
sono, tutto, una cosa sola.
Il nostro amore è forte,
rimaniamo sempre insieme,
anima e carne
anche dopo la morte.
|
